Значајно злато освои македонскиот таеквондист Дарко Георгиев на меѓународниот турнир „Софија Опен Г1 2024“.

Георгиев, членот на таеквондо клубот „Бутел“ дојде до златен јуниорски медал на турнирот во Бугарија, најсилен турнир во регионот.

Нашиот натпреварувач успеа да оствари три победи, две над таеквондисти од Србија, а во финалето триумфираше против олимписка надеж на Бугарија.

Претходно овој месец таеквондисти на „Бутел“ имаа исто така големи успеси на Светски Г1 Куп Топ Тирана со два медали.

Сребро имаше Ведрана Тунески (кадети) со четири победи, додека Теодор Стојановски дојде до бронзата со две победи.