Новинарот и аналитичар Љупчо Зиков вечерва во „Само вистина“ на „Канал 5“ се осврна на корупцијата во земјава и за судството како нејзин главен стожер.

„На сите устите им се полни со „реформи во судството“ и тука завршува изјавата. Како реформи во судството? Не јас, граѓаните сакаат да слушнат кој е моделот за реформа на судството? Еден начин е преку ветинг, укинување на Академија за судии и обвинители, не може партиите да бираат кандидати за во Академија и од таму потоа да одат, вие имате системско партиско судство. Се собира се и сешто на Академијата и од таму заседнуваат на фотелјите и ние очекуваме праведно судство. Мора да се знаат контурите на реформите. Србите во Нови Сад по протестите извадија една парола дека „сите се под таа натстрешница што падна во Србија“. Така и ние сме сите во таа дискотека во Кочани“, рече Зиков.

„Зошто мораше источна Македонија да чека толку многу години? Тој автопат се направи во 2015, велеа не се исплати. Ќе имаше повеќе жртви ако низ Џумајлија и Валандовско брдо ќе требаше брзата помош да доаѓа накај Скопје. Да имаше клинички центар во Штип, таму пациентите ќе се третираат во првите минути, или часови. Исто така да имаше клинички центар, ќе имаше и доктори. Ние еден голем број повредени што ги однесовме во странство поради немање капацитет како држава за таа работа, затоа сите сме под натстрешницата и сите сме во дискотеката“, додаде тој.