Израелската војска вечерва објави дека се укинати ограничувањата воведени врз населението за време на војната со Иран, а аеродромските власти известија за „враќање во нормала“ на воздушниот сообраќај.

„Сите области на земјата преминуваат кон целосна, неограничена операција“, се вели во соопштението на војската.

Новите директиви го поништуваат затворањето на училиштата, како и забраната за јавни собири воведена како дел од војната на Израел против Иран што започна на 13 јуни.

Израелската управа за аеродроми објави продолжување на „целосното работење“ на меѓународните аеродроми во Тел Авив (Бен-Гурион) и Хаифа.

„Како дел од враќањето во нормала, укинати се ограничувањата за бројот на дојдовни и појдовни летови, како и за бројот на патници по лет“, се вели во соопштението.

Американскиот претседател Доналд Трамп претходно денеска објави дека е постигнат договор за прекин на огнот меѓу Израел и Иран.