ЖФК Љуботен и оваа сезона ќе ја претставува Македонија во квалификациите за Лигата на шампионите, а на денешната ждрепка во Нион тетовската екипа го дозна својот прв противник и тоа ќе биде НСИ Рунавик од Фарски Острови.

Дуелот ќе биде дел од мини-турнирот во групата 3, каде што Љуботен ќе се соочи со Рунавик во полуфиналето. Во случај на победа, македонскиот шампион ќе игра против победникот од второто полуфинале помеѓу НСА Софија (Бугарија) и Пјуник (Ерменија).

Сè уште не е познато кој ќе биде домаќин на овој мини-турнир и тоа дополнително ќе се одлучи со договор меѓу клубовите учесници. Полуфиналните натпревари се закажани за 30 јули, додека финалето, кое ќе одлучи кој продолжува понатаму ќе се игра на 2 август.