Германската полиција вечерва соопшти дека во нападот со нож на главната железничка станица во северниот град Хамбург, кој го изврши жена, се повредени најмалку 17 луѓе, јави „Си-ен-ен“.

Четворица од повредените се во критична состојба и се борат за живот по крвавиот напад врз луѓето кои чекале воз во вечерниот шпиц во градот. Уште шестмина имаат сериозни повреди, соопштија службите за итни случаи.

Осомничената, 39-годишна жена, е уапсена на местото на настанот, а на социјалните мрежи е објавена снимка на која се гледа како полицајците ја спроведуваат од местото на бруталниот напад.

😶yesterday in #WashingtonDC an American man carried out a shooting spree, 2 killed; today in #Hamburg a German national woman carried out a stabbing spree, injuring 17 ppl, 4 with life-threatening injuries, 6 with serious injuries & 7 with minor injuries.pic.twitter.com/hOFem7jCr5

— 𓂆 sarah (@shmeysarah) May 23, 2025

„Полицајците ѝ се приближија, а жената дозволи да биде уапсена без отпор“, им кажа портпаролот на полицијата Флоријан Абенсет на новинарите во изјавата што ја пренесе јавниот радиодифузен сервис АРД.

„Досега немаме докази дека извршителката можеби имала политички мотив. Имаме информации врз основа на кои истражуваме дали можеби таа доживувала психолошка вонредна состојба“, рече тој, додавајќи дека полицијата смета дека напаѓачката делувала сама.

Дванаесетмина повредени во напад со нож на железничката станица во Хамбург