Украинскиот претседател Володимир Зеленски отпатува за Литванија, а потоа ќе ги посети Летонија и Естонија во наредните денови, напиша тој во објава на социјалната мрежа Икс, порано позната како Твитер.

„На дневен ред се безбедноста, интеграцијата во ЕУ и НАТО, соработката во електронското војување и беспилотните летала и натамошната координација на европската поддршка“, рече Зеленски.

Зеленски и литванскиот претседател Гитанас Наузеда денес ќе одржат заедничка прес-конференција, соопшти одделно Литванија.

Estonia, Latvia, and Lithuania are our reliable friends and principled partners.

Today, I arrived in Vilnius before going to Tallinn and Riga.

I will hold talks with the President, Prime Minister, Speaker of the Seimas, as well as meet with politicians, the media, and the…

— Volodymyr Zelenskyy / Володимир Зеленський (@ZelenskyyUa) January 10, 2024

Јавен говор ќе има и Зеленски, соопштија од кабинетот на Наузеда. Ненадејната посета на Вилнус, жесток поддржувач на Киев, доаѓа како што се приближува втората годишнина од целосната инвазија на Русија на Украина.

„Претседателите ќе разговараат за војната во Украина, поддршката за Украина и нејзината интеграција во Европската унија и НАТО“, се вели во соопштението од канцеларијата на Наузеда.