Зеленски се сретна со Венс, првпат по расправијата во Белата куќа
Украинскиот претседател Володимир Зеленски денеска се сретна со потпретседателот на САД Џеј Ди Венс и државниот секретар Марко Рубио во Рим, на инаугурацијата на папата Лав.
Препорачано
Зеленски се сретна со папата: Светата столица може да игра важна улога во крајот на војната
Ова е прва средба меѓу Зеленски и Венс откако се судрија на состанокот за војната во Украина во февруари во Белата куќа.
Зеленски, кој се обидува да ги обнови врските со Вашингтон по катастрофалната посета на Вашингтон, во неделата разговараше со потпретседателот Венс и државниот секретар Марко Рубио во Рим.
По разговорот, Зеленски рече дека состанокот бил „добар“. Тој објави фотографии од украински и американски функционери како седат надвор на тркалезна маса и се смеат.
Украинските медиуми објавија дека состанокот траел 40 минути.
Мерц, Макрон и Стармер сакаат да разговараат со Трамп пред тој да разговара со Путин
„Повторив дека Украина е подготвена да учествува во вистинска дипломатија и ја нагласив важноста од целосен и безусловно прекин на огнот што е можно поскоро“, рече Зеленски.
