Владата објави документ од 50 страници во кој се прецизира како ќе тече процесот на попуштање на мерките..

Како што пренесува „Би-Би-Си Спорт“, тамошната Влада објави ниту еден професионален спорт, ниту зад затворени врати нема да се одржува во Англија до 1 јуни.

Секако најмногу внимание привлекува фудбалот, па така и во мај нема да се игра премиерлигашки фудбал поради пандемијата на коронавирус која ги запре скоро сите спортски натпреварувања.

The government has announced that no professional sport, even behind closed doors, will be staged in England until 1st June.

More here: https://t.co/dULCuaunR9 pic.twitter.com/uPIPh0S4yi

— BBC Sport (@BBCSport) May 11, 2020

Вториот чекор во фазата ќе започне на 1 јуни кога ќе бидат дозволени културни и спортски настани зад затворени врати со можност за емитување на директни преноси.

Значи, на тој датум и фудбалот во Англија ќе добие „зелено светло“, а кога точно ќе продолжи евентуално сезоната во Премиер лигата, не е познато.

Премиерлигашите клубови се очекува повторно да имаат состанок со цел да разговараат за продолжување на шампионатот и самиот протокол за безбедноста на здравјето на играчите и стручните штабови.

Најсилното англиско фудбалско првенство дојде до прекин на 13 март, а до крајот на сезоната има уште 92 мечеви.