Од неформалното здружение „Инженери на Република Македонија“ информираат дека нивниот досегашен член Дениз Мустафоглу е отстранет поради тоа што, како што велат, плански и свесно работел против здружението и на своја рака доставувал дописи до медиумите и институциите користејќи го името на здружението, а паралелно во јавноста користел име различно од оригиналното.

-Во името на координативното тело и како креатор и администратор на ФБ групата и неформалното „Здружение на инженери на Република Македонија“, сакам да ве информирам дека досегашниот наш член Дениз Мустафаоглу е отстранет од нашето здружение. Имено Дениз Мустафаоглу (воен пензионер кој имал завршено Машински факултет) подолго време плански од негови познати цели работи на узурпација на групата, самоволно доставува дописи до ТВ и пишаните медиуми. Исто така цело време турка паралелно име „Инженери на република Македонија“ како тоа да било синоним на „Здружение на инженери на Република Македонија“ – велат од здружението.

Оттаму обвинија дека човекот имал функција и задача да ги доставува информациите и претставките до институциите на државата, а тоа го искористил за сопствено промовирање, со што според нив го „валкал“ нивниот етаблиран и докажан бренд и паралелно создал своја фејсбук-група.

Во соопштението тие посочуваат дека оригиналната група е креирана пред 4 години под името „Здружение на инженери на Република Македонија“ која брои 1400 членови и напоменаа дека групата „Инженери на Република Македонија“ е различен ентитет кој не работи за истите интереси како првоспоменатата.