Здружение на инженери: „Митилинеос“ не смее да добива државна помош
Реалната пазарна цена на гасната електрана Митилинеос чини околу 180 -190 милиони евра за предвидените максимални 165 мегават-часа електрична моќност, а секако не чини 290 милиони евра како што е наведено во Предлог законот, реагира Здружението на инженери на Македонија.
Препорачано
На пример, гасната електрана што „Газпром“ ја пушти во работа во Панчево во 2022-ра година има моќност од 200 мегавати и чинеше 180 милиони евра. Ако државната помош е 17 проценти од инвестицијата, како што наведува г-динот Јован Деспотовски, тогаш државната помош треба да изнесува нешто над 30 милиони евра, а не нешто под 50 милиони евра како што е наведено во Предлог законот, пишува во реакцијата.
Според Здружението, постојат факти поради кои за гасната електрана „Митилинеос“ не смее да се дава никаква државна помош.
„Македонија се обврзува да купува од „Митилинеос“ загарантирани количини на електрична енергија од 977 гигават-часови годишно по цени што се од 15 до 35 проценти повисоки од берзанските цени според ХУПЕК берзата во Унгарија, што ќе предизвика финансиска штета за Македонија од околу 20 милиони евра годишно“, пресмета Здружението.
Оттаму посочија и дека „Митилинеос“ ќе добие огромни пари од маржа.
„Македонија ќе му плаќа на Митилинеос 4 милиони евра годишно за старт на електраната. Митилинеос ќе има маржа од околу 52 милиони евра на годишно ниво (како збир од маржата за електрична енергија, топлинска енергија и старт на електраната), односно ќе има профит од над 40 милиони евра на годишно ниво, односно над 1,2 милијарди евра за период од 30 години колку што предвидува Предлог законот“; пишува во реакцијата.
Покрај овие ставки инженерите пресметаа уште низа други ставки кои се облигаторни по договорот и кои, според нив, ќе однесат дополнителни пари, а регира и за цената на земиштето што се дава за изграба на електраната.
