Најголемата машка регионална музичка ѕвезда, Здравко Чолиќ, денеска слави роденден!

Познатиот пејач полни 73 години, во што малкумина би поверувале поради неговата енергија и виталност.

Повеќечасовните концерти на Чолиќ се музички спектакли каде се испреплетуваат моќната интерпретација, препознатливиот вокал, незаменливата енергија и неодоливиот шарм, кои му се припишуваат на Чолиќ од самиот почеток на неговата кариера.

Како што е општо познато, Чолиќ е на естрадата веќе пет децении, но успева да го држи приватниот живот подалеку од очите на јавноста. Со сопругата Александра е во брак 20 години и имаат две ќерки Уна и Лара. Тие се венчале на 1-ви мај, а како што еднаш кажа музичарот, речиси сите мислеле дека тоа е скриена камера, бидејќи правеле традиционална сведбена церемонија.