Заврши заложничката криза во градот Карлсруе во југозападна Германија. Во 21 часот и 10 минути во аптеката влегла специјална полициска единица. Осомничен маж е уапсен. Според првичните информации, нема повредени, соопшти полицијата.

Се започнало околу 16:30 часот, кога полицијата добила пријава дека неколку лица се земени како заложници во аптеката. Сторителот наводно барал откуп од милион евра, пишува „Билд“.

„Полициската акција се уште е во тек, засега не можеме да зборуваме за детали“, изјави портпаролот на полицијата.

„Итната помош се на терен поради заложничка ситуација во аптеката на улицата Етлингер. Сегашната ситуација не е јасна, наскоро повеќе информации“, соопшти полицијата на Твитер за време на заложничката криза.