Фудбалскиот клуб Шкендија објавува крај на едногодишната позајмица на Енур Тотре од украинскиот тим Ворскла Полтава.

Македонскиот прволигаш искрено му се заблагодарува на Тотре за неговата посветеност во времето поминато во дресот на тетовскиот клуб.

Минатата сезона во нашиот шампионат Тотре запиша 31 настап и пет пати се запиша во листата на стрелците.

Шкендија изразува посебна благодарност до Ворскла Полтава за соработката и поддршката при оваа позајмица.

– На Енур Тотре и Ворскла Полтава им посакуваме сè најдобро во иднина и успех во нивните настапи – објави ФК Шкендија.

Во својата клупска кариера Тотре настапуваше и за Тирана во сезоната 2021/2022. За најдобрата македонска А репрезентација 27-годишниот играч од средниот ред има два настапи.