Двајцата професори од Економски факултет, Бобек Шуклев и Славе Ристевски добија затворски казни од 4 ипол и 4 години во предметот „Еразмус“.

Професорите Шуклев и Ристевски барале пари и секс од студентките за да им пишат преодна оценка. Посредник бил демонстраторот Драган Денковски кој е осуден со условна казна од две години доколку во следните 5 години не го повтори делото. Исто така судот на Шуклев и Ристевски им изрече забрана за вршење професија од дејност или должност во образовниот процес во траење од 5 години.

Оваа е второ судење за предметот „Еразмус“ бидејќи во јуни 2021 година предметот падна на Апелација кога беше потврдена само ослободителната пресуда за професорот Стојан Дебарлиев.

Апелација го врати предметот „Еразмус“ на повторно судење и не ги потврди затворските казни за професорите од Економскиот факултет, кои претходно ги изрече Кривичниот суд.