Откако се појавија неколку случаи на труење со опасната бактерија салмонела и по инспекциска контрола спроведена во неколку објекти каде што се служи храна, донесена е одлука со која привремено се става клуч на врата на позната сендвичарница во скопската населба Аеродром и еден ресторан во населбата Влае.

Досега регистрирани биле девет случаи, од кои пет лица со наод на салмонела, три со гастроентероколитис и едно со труење од храна.

Од пријавените случаи, четири се хоспитализирани во болница.

Директорот на АХВ најави засилени инспекциски контроли во Скопје, но и низ државата.

Апелот од надлежните е граѓаните да внимаваат што и каде јадат, бидејќи високите температури се причина повеќе за ширење на бактерии и заразни болести.