Избирачките места во Србија се затвораат точно во 20 часот, но доколку граѓаните стојат во ред пред гласачкото место поради голема излезност, избирачкиот одбор мора да им дозволи да гласаат.

На 8.273 избирачки места правото на глас можеа да го остварат 6.500.666 запишани избирачи. Избирачките места беа отворени од 7 до 20 часот.

Доколку поради голема излезност гласачите стојат во редица пред гласачкото место, претседателот на избирачкиот одбор е должен да определи член на одборот кој ќе го одреди бројот на гласачи кои се наоѓаат пред гласачкото место и да застане зад последниот гласач за да го означи крајот на редот.

До 19 часот гласале 55,5 отсто од гласачите во Србија, граѓаните на Белград излегле на гласање во поголем број отколку во 2022 година.

Претставниците на опозициските листи изјавија дека граѓаните на Република Српска со организирани автобуси биле донесени во белградската Штарк Арена, од каде потоа биле однесени на избирачките места каде што гласале. Претставниците на Републичката изборна комисија (РИК) и премиерката Ана Брнабиќ изјавија дека се државјани на Србија, кои се запишани во избирачкиот список.

Коалицијата „Србија против насилство“ на социјалните мрежи објави снимка од средба со претставници на Министерството за внатрешни работи во врска со можна реакција на резултатите, при што еден од присутните „ја пренесе пораката на претседателот на Србија, Александар Вучиќ, дека ќе ги признае изборните резултати во Белград доколку победи опозицијата“.

„Бугарски воз“ во Нов Белград, тврди набљудувачка на српските избори

Невладините организации и набљудувачите на изборите констатираа дека се забележани и бројни други нерегуларности, како што е „бугарскиот воз“, водење паралелни листи, можно купување гласови, јави Бета.

Набљудувачи на организацијата Црта биле нападнати во Оџаци на кои непознати лица им ги скршиле стаклата на автомобилот откако забележале наводно вадење на гласачки ливчиња од избирачкото место и однесени во партиските простории.

Како се организираат гласачите од Република Српска во близина на белградската Арена