Животот во култната, но и озлогласена куќа на „Плејбој“ на Хју Хефнер не бил баш идеален, тврди една од поранешните „девојки“ на покојниот медиумски магнат.

Холи Медисон, девојката која седум години се забавуваше со газдата на „Плејбој“, ја сподели приказната за животот во познатата вила во нејзиниот поткаст „Girls Next Level“ и ја откри темната страна на луксузот.

Имено, 43-годишната Холи истакнува дека живеела во страв дека Хефнер ќе ја замени доколку случајно ѝ се слоши.

„Делев соба со Хеф, но никогаш не се почувствував дека навистина го правам тоа. Неколку пати се оперирав, па не можев да излезам вечерта… Живеев во страв од мојата замена, односно дека Хеф ќе донесе друга девојка која ќе ми биде замена“, рече таа и додаде дека Хефнер двапати донел нова девојка во куќата зад нејзин грб, пишува „Мирор“.

Таа рече дека, додека закрепнувала од операција или болест, била принудена да остане во резервна спална соба, додека другите новодојдени девојки биле во нејзината соба, со нејзините работи.