Засладете се по напорниот ден: Рецепт за сочни чоколадни коцки со мармалад
Чоколадните коцки со мармалад се совршен десерт кога сакате да користите состојки кои веќе ги имате дома. Комбинацијата од мармалад и темно чоколадо ќе му даде посебен и богат вкус на ова слатко задоволство. Овој десерт лесно се подготвува, не ви се потребни јајца, па дури ни миксер.
Препорачано
Состојки:
– 2 чаши брашно
– 1 чаша шеќер
– 1 лажичка прашок за пециво
– 1 лажица какао
– 1 чаша млеко
– 1/2 чаша масло
– 8 лажици мармалад по избор
– 100 г темно чоколадо
– 1 коцка маргарин или путер
– 5 лажици млеко
Подготовка:
Најпрво измешајте ги сите суви состојки, а потоа додадете половина шолја масло и чаша млеко. Добро измешајте ја смесата. Потоа додадете четири лажички мармалад по ваш вкус и добро измешајте.
Загрејте ја рерната на 180 степени, па ставете го колачот да се пече околу 30 минути. Кога ќе се испече, веднаш премачкајте го со преостанатите четири лажички мармалад и оставете да се излади барем еден час.
Додека колачот се лади, на тивок оган или на пареа растопете темно чоколадо, маргарин или путер и додадете 5 лажици млеко. Кога смесата ќе се изедначи, покријте го колачот со чоколаден прелив. За сервирање пресечете го на помали коцки.
