Група китови убијци заробени меѓу мраз во водите кај северниот јапонски остров се чини дека успешно се спасиле, велат властите. Заглавените орки биле забележани од рибар претходно оваа недела, речиси еден километар од Хокаидо, пренесува Би-Би-Си.

Снимките од дрон ги покажаа животните заробени како ги вадат главите надвор од водата за да дишат. Тоа предизвика официјален одговор, со официјални лица кои отпатуваа во приморскиот град за да ги следат китовите.

Снимката беше прикажана и на јапонската телевизија, што предизвика бран загриженост за животните од јавноста и повици до еколошките групи за владина помош за нивно ослободување.

A pod of about 10 killer whales has been found trapped in a small gap in drift ice off the coast of Rausu, a town in northeastern Hokkaido. According to NHK, "the town can only watch and hope that the drift ice breaks apart, allowing the orcas to escape." pic.twitter.com/AKLnGvgU2O

— Jeffrey J. Hall ???? (@mrjeffu) February 6, 2024

Една група дури и поднела петиција до јапонската влада да распореди кршач на мраз за да помогне во ослободувањето на заробените животни.

Но, денес официјалните лица изјавија дека според последните информации китовите се оддалечиле од местото.

„Веруваме дека тие можеа безбедно да избегаат“, рече локален функционер во приморскиот град Раусу.

Тие шпекулираа дека китовите можеби излегле меѓу празнините во мразот.

Според пишувањата на јапонските медиуми, орките, за разлика од другите големи китови, не можат да останат под вода премногу долго и треба повторно да излегуваат на површина на секои неколку минути.

ВИДЕО | Група орки заробени во мраз во Јапонија, експертите загрижени