Ви препорачуваме

ВОЈНА ВО УКРАИНА

фото: EPA/Jussi Eskola

Започнува осминафиналето на Евробаскетот: Фаворити се Србија, Турција и Германија, дерби на балтичките земји

Ф.К.
Пред

Време е за осминафиналните возбудувања на Европското првенство во кошарка, а програмата ќе започне од 11.00 часот по средноевропско време во летонскиот главен град Рига. Целата нокаут-фаза ќе се игра во Рига, а првиот натпревар што ќе се игра таму ќе биде оној помеѓу репрезентациите на Турција и Шведска.

Добиј ги најважните вести, бесплатно на Viber

Препорачано

Турците го освоија првото место во групата А со победата над Србија во последното коло, а нивен прв противник во нокаут фазата се четвртопласираните од групата Б, Швеѓаните, кои запишаа само една победа и воедно имаа голема среќа во групната фаза и влегоа во осминафиналето благодарение на неверојатниот кикс на Црна Гора, која загуби од аутсајдерот Велика Британија.

Од 14.15 часот ќе се соочат Германците и Португалците, а со оглед на начинот (5-0) на кој Денис Шредер и неговите соиграчи поминаа низ групната фаза, можеби единственото прашање е со колку коша разлика ќе слават денеска Германците на патот до четвртфиналето. Но, не треба да се потцени Португалија која покажа дека има квалитет со победите над Чешка и Естонија.

Од 17.30 часот ќе се игра балтичкото дерби, во кое домаќинот Летонија ќе игра против Литванија, а поради предноста на домашниот терен и страсните навивачи, како и фактот дека Литванија е значително ослабена од повредата на Рокас Јокубаитис, улогата на фаворит во овој дуел ѝ припаѓа на Летонија предводена од првата ѕвезда Кристапс Порзингис.

Во последниот денешен меч ќе играат Србија и Финска од 20.45 часот. Србија, иако ослабена од отсуството на Богдан Богдановиќ, успеа да постигне четири победи во групната фаза, но евидентно е и дека избраниците на Светислав Пешиќ имаат многу простор за напредок.

Во групната фаза, Финска ги победи селекциите од кои е објективно подобра (Шведска, Велика Британија и Црна Гора), а загуби во дуелите во кои не беше фаворит (Литванија и Германија).

Денешни натпревари од осминафиналето на Евробаскетот:

11.00 часот Турција – Шведска

14.15 часот Германија – Португалија

17.30 часот Литванија – Летонија

20.45 часот Србија – Финска

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

КЛИКНИ ЗА ДОНАЦИЈА

#евробаскет #препорачано
Видео на денот
  • Најново
  • Најчитано

Препорачано од оваа категорија

Прочитајте повеќе

ВИДЕО | Ненад Димитријевиќ блескаше во победата на Зенит против Мерсин
Немања Недовиќ во новата сезона ќе игра за европскиот вицепрвак Монако
Ѓоковиќ: Фрустрирачки е на теренот кога не можеш да издржиш физички, но тоа доаѓа со годините
РК Алкалоид сака да ја поправи сликата на реваншот против Хановер-Бургдорф
ВИДЕО | Мароко е првата африканска репрезентација која обезбеди учество на Мундијалот 2026
Вардар 1961 со победнички старт во Супер лигата, Јапонецот Кавада прв стрелец
ВИДЕО | Синер обезбеди финале на САД опен за нов спектакл со Алкараз
Ѓоковиќ сепак не можеше против младоста на Алкараз, Шпанецот ќе игра финале