Започна издавањето на сертификати за користени возила од САД кои не се целосно усогласени со прописите во Србија, изјави Милан Милојевиќ, раководител на секторот за возила во Агенцијата за безбедност во сообраќајот. Милојевиќ за Танјуг изјави дека законот ја дал основата за целата постапка, додека прописите за тестирање се поблиску регулирани, како и дека има алтернативни барања во прилог на прописите кои тие возила треба да ги исполнуваат, објави Политика.рс.

„Возилата што се увезуваат во Република Србија во моментов, мора да ги исполнуваат условите во согласност со прописите за хомологација. Додека, на пример, некои алтернативни барања важат за американскиот пазар што се еквивалентни на барањата што важат овде“, рече Милоевиќ.

Тој наведува дека секое возило што ќе се увезе ќе мора да ги исполнува или барањата од прописите за хомологација или барањата на еквивалентни прописи кои се пропишани и додава дека тоа важи за патнички и лесни камиони чија максимална дозволена тежина е до 3.500 килограми. Милојевиќ посочува дека доколку е потребно, ќе се направат прилагодувања на возилото за целосно усогласување со нашите прописи. Петар Величковиќ од веб-страницата „Половни автомобили“ вели дека не треба да биде проблем прилагодувањето на брзиномерот кој во САД ја покажува брзината во километри. Величковиќ наведува дека Србија нема лабораторија која може да го мери количеството на издувни гасови од автомобилите што ќе пристигнат од САД и Канада, но дека земјата нашла начин да ја изврши проверката.