Левиот бек на фудбалската А репрезентација на Македонија Бојан Димоски ќе биде нова опција во одбраната на српскиот гигант Партизан.

Според најавите, играчот на рускиот клуб Акрон се очекува во четврток да пристигне во Белград.

А во петок и официјално ќе биде промовиран во трет дебитант на клубот од Хумска во тековниот преоден рок.

Лекарските прегледи се закажани за петок и доколку сѐ биде во ред, македонскиот репрезентативец ќе ги потпише документите со кои ќе се обврзе да остане во Србија до крајот на оваа сезона, како позајмен играч.

Откако ќе заврши натпреварувачкиот циклус, првите луѓе на Партизан ќе проценат дали вреди за 23-годишниот дефанзивец дополнително да се инвестира износ од 200.000 евра, колку што би била откупната цена.