Премиерот Зоран Заев денеска се извини за гестикулациите кои ги направи на партиската трибина во Прилеп, каде зборуваше за победникот на изборите во април 2020 година.

– Ако некој сум повредил навистина се извинувам. Намерата ми беше да бидам многу природен и едноставен. Во секојдневието на нашите разговори јас се обратив пред сите наши поддржувачи таму за да испратам порака дека нема така лесно да предадеме власт затоа што некој така сака и потоа повторно 11 години да ја уништува државата. Тоа беше употребата на гестикулациите и на зборовите. Значи, извинете носевме храбри одлуки, тука сме и одиме напред, тешко е на сите, не ни е лесно и на нас. Продолжуваме да се бориме затоа што тоа должност ни е пред државата – рече Заев.

Премиерот потоа уште еднаш се извини потенцирајќи дека се смета за политичар кој не сака да остави впечаток дека сака да навреди некого.