За остварување на правото на слободно организирање, како и полесен пристап до информациите кои се од интерес на младите, во Законот за младинско учество и младински политики е предвидено воспоставување на службеник за млади во сите органите на државната управа и општините, објави денеска премиерот Зоран Заев.

„Ова значи дека во секоја државна и локална институција, младите ќе ги пречекува „службеник за млади“ кој ќе ги одговара прашањата од доменот на неговата институција, како на пример самовработувањето, програмите во министерствата и сѐ што ги интересира.
Службениците за млади изготвуваат годишни извештаи за работата на институциите во делокругот на млади кои ги поднесуваат до Агенцијата за млади и спорт и ги објавуваат на веб-страниците на органите на државната управа, општините, општините во градот Скопје и Град Скопје“, пиша Заев на својот фејсбук профил.