Утре со почеток во 12:05 часот, во Кочани ќе се одржи четвртиот протестен марш под мотото „Задоцнета реакција“, организиран од семејствата на настраданите во трагичниот пожар во дискотеката „Пулс“, каде што животот го загубија 62 млади лица, а близу 200 беа повредени.

Преку овој марш, семејствата повторно ќе побараат правда, целосна истрага и одговорност од надлежните институции. Тие сметаат дека реакцијата на системот е бавна и недоволна, а случајот сè уште нема разрешница.

Маршот ќе се одржи во центарот на Кочани, а организаторите упатуваат повик до сите граѓани да се приклучат и заеднички да испратат порака за правичност, сочувство и институционална одговорност.