Сопственик на еден ресторан во Германија вовел плаќање билет за влез во објектот за секој гостин што ќе дојде да јаде, освен ако не станува збор за деца.

Билетот чини три евра, а причината е драстичниот раст на сите влезни трошоци – од намирници до енергија.

Хорст Ингендорн, сопственик на ресторан во германскиот град Рејтингер, изјави за WDR дека нема избор,

-Месото е поскапо за 30 до 50 отсто, зеленчукот за 30 отсто. Маслото за пржење поскапе за повеќе од 100 отсто, а трошоците за енергија за 2.000 отсто, се жали тој.

Тој заклучил дека мора да преземе нешто и тоа веднаш.

-Наместо да го сменам менито и да ја зголемам цената на водата и другите услуги, решив да ги воведам тие три евра по човек, објаснува германскиот угостител. -Гостите со кои разговарав го разбираат тоа и мислам дека отвореноста и искреноста се всушност прилично добри, вели Ингендорн.