Од МВР информираат дека во последните три денови, на територија на Македонија биле изречени вкупно 1.937 казни за сообраќајни прекршоци, од кои најмногу биле за непрописно паркирање и за брзо возење.

Како што соопшти МВР, заради поголема брзина на движење дозволеното изречени биле 447 санкции, за неправилно паркирање 519, додека пак 186 учесници во сообраќајот се отстранети од сообраќај поради непоседување возачка дозвола.

Исто така, за 115 учесници во сообраќајот изречени се прекршоци за некористење сигурносен појас, 117 лица се казнети за користење на мобилен телефон при управување со возило, и уште 99 лица заради неносење заштитен шлем. Покрај ова евидентирани се 19 случаи на минување на црвено светло, изречени се 21 прекршочен платен налог за пешаци, додека пак од сообраќај се отстранети 19 возачи заради управување на возило со прекумерно количество алкохол.

Исто така, полицијата казнила вкупно 53 луѓе поради управување нерегистрирано возило и осуммина за управување на технички неисправно возило.

Оттаму апелираат до сите возачи да ги почитуваат сообраќајните правила и прописи и најавија дека контролите ќе продолжат и во наредните денови.