Оние што фрлаат ѓубре кај што ќе им текне ќе платат казна од 150 евра

Отпад/ Фото: МИА

Граѓани кои фрлаат ѓубре кајшто ќе им текне ќе платат казна од 150 евра, додека глоба од 50 евра е предвидена за поединците кои не вршат селекција на отпадот или не го одлагаат отпадот во посебните контејнери. 200 евра ќе платат тие што ќе запалат  отпадни гуми, масла и друг вид отпад во природата или на патиштата.

Донесувањето на овој пакет од 6 закони е во насока на реформа на законодавството од областа на управувањето со отпадот, што го опфаќа општиот систем на национално ниво регулиран во општиот Закон за управување со отпадот и посебни закони кои се однесуваат на посебните текови на отпадот, ориентирани кон принципите на циркуларна економија и превенција на отпадот, односно реупотреба, преработка и рециклажа.

Минатиот месец беа донесени  Законот за управува со батерии и акумулатори и отпадни батерии и акумулатори  и Законот за електрична и електронска опрема и отпадна електрична и електронска опрема.

Од останатите закони поврзани со управувањето со отпад и неговото пакување беше и драстичното поскапување на најлонските кеси во маркетите и продавниците.

Од 1 декември годинава, пластичните кеси ќе се наплатуваат 15 денари, со што треба да се дестимулира купувањето на ваквите производи кои ја загадуваат околината.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот