Претседателот на Србија, Александар Вучиќ, потврди дека Русија предложила дел од „Нафтена индустрија на Србија“ (НИС) да се продаде на САД и компанијата да купува американска нафта, но додаде дека не е сигурен дали САД ќе го прифатат тој предлог, објави „Н1“.

„Јас не сум сигурен во тоа, но да се надеваме дека ќе го сторат тоа. Би сакал да грешам, би сакал Русите да пронашле магична формула за да го решат тој проблем. Се плашам дека мојот нос добро препознава тешки ситуации“, изјави Вучиќ пред новинарите во Копенхаген, каде што учествува на самитот на Европската политичка заедница.

Коментирајќи го тоа што претседателот на Украина, Володимир Зеленски, ја критикуваше Унгарија, Вучиќ рече дека сфатил оти вчера имало дополнителни тензии околу тоа, но дека Србија има свои проблеми, кои ќе започнат на 8 или 9 октомври, и дека треба да се гледа како тие да се решат.

Новиот рок за стапување во сила на американските санкции кон Нафтена индустрија Србије е 8 октомври, откако претходниот најавен рок, 1 октомври, беше поместен.

Вучиќ не верува дека САД ќе ја променат одлуката за санкциите против српската нафтена индустрија