Резервниот голман на Пари Сен Жермен, Серхио Рико се наоѓа во животно-загрозувачка состојба откако паднал од коњ, пренесуваат француските медиуми.

Според информациите, Рико заработил тешка повреда на главата и е хоспитализиран во болница во Севиља.

Шпанскиот голман вчера беше резерва на натпреварот против Стразбур (1:1), а утрово заминал за Андалузија каде што ја доживеал сериозната несреќа. По несреќата тој веднаш со хеликоптер бил пренесен во болница.

Несреќата ја потврди портпаролот на ПСЖ.

„Во овој момент Рико е во тешка состојба“, изјавил кратко за медиумите портпарлот на ПСЖ.

Не е потврдено, но наводнот голманот се наоѓа на апарати кои го одржуваат во живот.