Втората полуфинална вечер на Евровизија: Дали Србија ќе биде единствената земја од регионот која ќе влезе во финалето?
Во втората полуфинална која се случува вечерта, 17 земји ќе се обидат да се пласираат во финалето на Евровизија.
Препорачано
Претставничката на Сан Марино со атрактивната изведба на песната „Adrenalin“ официјално ја отвори втората полуфинална вечер во салата Ахој во Ротердам. По неа следеше претставникот на Естонија, Уку Сувисте со песната „The Lucky One“.
Во првата полуфинална вечер на Евровизија во вторник, 18 мај, откривме кои се првите десет финалисти, а уште 17 земји ќе се обидат да се пласираат во финалето на ова натпреварување.
На второто полуфинале на Евровизија учествуваат натпреварувачи од Сан Марино, Естонија, Чешка, Грција, Австрија, Полска, Молдавија, Исланд, Србија, Грузија, Албанија, Португалија, Бугарија, Финска, Летонија, Швајцарија и Данска.
Во првата полуфинална вечер, Норвешка, Израел, Русија, Азербејџан, Малта, Литванија, Кипар, Шведска, Белгија и Украина се пласираа во финалето. Финалето на Евровизија ќе се одржи во сабота на 22 мај.
Бидејќи нашата држава, Хрватска и Словенија беа елиминирани во првото полуфинале, Србија е единствената земја од регионот што сè уште има шанси да се пласира во финалето.
Оваа година Србија ја претставува женската група „Hurricane“ составена од Сања Вучиќ, Ксенија Кнежевиќ и Ивана Николиќ кои буквално ја запалија евровизиската сцена со својот стајлинг и енергична кореографија.
View this post on Instagram
Аранжманот на песна е дело на нашиот Дарко Димитров во соработка со Немања Антониќ. Димитров моментално е во Ротердам како поддршка на „Hurricane“.
Погледнете како изгледаше настанот на претставничките на Србија:
