Трикратниот победник во Светскиот куп и водечкиот после ски-скоковите, Норвежанецот Јарл Магнус Рибер го освои дури осмото место (39,8). Рибер имаше неверојатен скок од 142 метри на скокалницата.

Но, затоа неговиот сонародник во нордиска комбинација Јорген Грабак дојде до златниот медал на Зимските олимписки игри во Пекинг.

Грабак го освои првото место после ски-скоковите на големата скокалница и скијачкото трчање на 10 километри. После ски-скоковите беше на 12 место, а до победата дојде во финишот од трката со резултат 27:13,3 минути.

За Грабак ова е вкупно петти олимписки медал во кариерата, а втор во Пекинг после среброто во натпреварувањето на малата скокалница.

Со сребро се закити Јенс Лурас Офтебро од Норвешка, со заостанување од 0,4 секунди, а Јапонецот Акито Ватабе (0,6 секунди заостанување) се најде на третата позиција. Во четврток на програмата е екипното натпреварување во нордиска комбинација.