Вселенскиот патријарх Вартоломеј се сретнал и разговарал со премиерот на Бугарија, Росен Желјасков, јавија бугарските медиуми.

Според „Бургас24“, средбата се одржала пред два дена во резиденцијата на Патријархот во Њујорк, во рамки на годинешното Генерално собрание на Организацијата на Обединетите нации.

„Мирот и солидарноста на глобално ниво мора постојано да се промовираат“, бил заедничкиот заклучок на Желјасков и Вартоломеј, објави прес-службата на бугарската влада.

„За време на средбата, Желјасков разговарал со Вселенскиот патријарх за ангажирањето на Црквата во современите проблеми на човештвото, иднината на децата и заштитата на природата. Премиерот ја нагласил важноста на човечките доблести и верата како поддршка и извор на мудрост“, пишува во соопштението.

„Вартоломеј му честиташе на премиерот Желјасков за успехот на Бугарија во приклучувањето кон еврозоната. Вселенскиот патријарх му посака успех, мир, просперитет и среќа на бугарскиот народ“, додаваат од бугарската влада.