Времето денеска наутро ќе биде студено понекаде со услови за слаба магла или ниска облачност, а преку денот ќе биде променливо облачно со сончеви периоди особено во источниот дел.

Ќе дува слаб до умерен ветер од југоисточен правец.

Минималната температура ќе биде во интервал од минус 1 до 9, а максималната ќе достигне од 16 до 23 степени.

Во Скопје ќе биде променливо облачно со сончеви периоди и со слаб до умерен ветер. Максималната температура ќе достигне до 21 степен.

Идната недела ќе преовладува стабилно и претежно тивко време со ниски утрински температури, дури и некој степен под нула, како и со магла по котлини.

До средината на работната недела дневната температура ќе биде во благ пораст.