Денеска нè очекува претежно сончево и многу топло време, со слаб до умерен, а на запад повремено засилен ветер од југозападен правец. Според најавите на УХМР, минималната температура ќе биде меѓу 13 и 21 степен, а максималната ќе достигне од 35 до 42 степени.

Во Скопје ќе преовладува сончево и многу топло време. Утринската температура ќе се спушти до 20 степени, а максималната ќе достигне дури 41 степен.

Топлотниот бран што го зафаќа регионот ќе продолжи до сабота. Според УХМР, до тогаш се очекува сончево и многу топло време, со температури над просекот за јули. Во петок, температурите ќе бидат највисоки, со дневни вредности од 37 до 42 степени.