Нема да има предвремени парламентарни избори заедно со локалните наесен, порача денеска координаторот на пратеничката група на Вреди, Беким Ќоку, откако претходно координаторот на пратеничката група на Европскиот фронт Блерим Беџети ги повика владејачките Влен и ВМРО-ДПМНЕ на предвремени избори.

Според Ќоку, ДУИ со барањето за предвремени парламентарни избори уште еднаш докажала дека се претворила во политичка партија без идеи и визии.

„Свесни дека секој ден се повеќе се стеснуваат како политички субјект, соочени со континуирани напуштања од нивното членство, спасот го гледаат во измислените лаги кон нивните симпатизери дека наводно паѓа владата и ДУИ се враќа, но во тоа не верува ниту нивниот најтесен круг. Со Влен во Владата нема веќе да си со 20 години работно искуство и да си се уште како нов соработник. Денеска имаме Албанци кои уживаат достоинство уште во првата година од нашето владеење. Влен го претставува целосниот легитимитет на албанскиот народ, нешто што силно и јасно го доживеавме на последните парламентарни избори со 107 илјади гласови, а уште појасно ќе го докажеме со апсолутната победа на претстојните локални избори“, порача Ќоку.

Тој додаде дека утре на владина седница ќе се најде Законот за правична застапеност и дека наскоро се очекува да влезе во парламентарна процедура. За тоа дали се знаат кандидатите за градоначалници за претстојните локални избори и дали се донесени некакви одлуки за предизборно коалицирање, Ќоку рече дека сѐ уште траат разговорите и анкетите, нагласувајќи дека Вреди наскоро ќе го објави независниот кандидат за градоначалник на Општина Струга.

„Уште вршиме анкети и се договараме, но немаме се уште имиња. Верувам дека во Струга ќе имаме наскоро независен кандидат ние како Вреди. Досега немаме никакви одлуки, но начелно мнозинството историски соработувало секогаш на локални избори, рече Ќоку.

Преетходно на прес-конференција, Блерим Беџети најави дека на локалните избори Европскиот фронт ќе биде широка коалиција изразена во форма на референдум на незадоволството на Албанците и другите етнички заедници.

Беџети: Европскиот фронт ќе се проширува со сите оние кои мислат дека оваа влада ги деградира Албанците