Вреди поднесе кривична против Бујар Османи: Обвинителството мора да реагира за потрошените милиони за самитот на ОБСЕ
Коалицијата Вреди денеска поднесе кривична пријава до Јавното обвинителство против поранешниот министер за надворешни работи Бујар Османи, откако Државниот завод за ревизија утврди дека за организацијата на ОБСЕ Самитот биле потрошени над 120 милиони денари без документација и евиденција.
Препорачано
„Тоа отвора сериозни сомнежи за злоупотреба на јавни пари. Нема докази каде се потрошени милионите, а обвинителството мора да реагира“, изјави портпаролот на Вреди, Гранит Османи, на прес-конференција пред Јавното обвинителство.
Вреди очекува обвинителството да отвори случај и, како што велат, „да покаже дека за сите важат истите правила“.
Претходно, од Коалицијата реагираа дека и додека Османи бил министер за здравство, добил негативен извештај од ДЗР со слични забелешки, но без последици.
„Судството и обвинителството молчат. Ако беше било кој друг граѓанин, ќе одговараше и за сообраќајна казна. Но за Бујар Османи изгледа важат други правила“, се вели во соопштението, со обвинување дека Османи е „под нечија заштита“ и дека институциите го амнестираат втор пат.
Вреди: Еден месец од извештајот на ДЗР, Обвинителството сѐ уште молчи за сомнителните трошења во МНР
