Вработените на Токсикологија ја обвинуваат дека В.Д. директорката дека го зголемила долгот и дека не ја осигурала клиниката
„Клиниката нема спроведено постапка за осигурување на имот, осигурување на скапата медицинска опрема и осигурување од лекарска грешка, бидејќи в.д директорката не сака да потпише, затоа што не е прифатен нејзиниот брокер за осигурување и моментално клиниката два месеци не е осигурана иако за тоа сме со закон обврзани“, стои во реакцијата на вработените на Токсикологија
Со назначување на в.д. организациски директор Бесија Иљази на Клиника за токсикологија, на само еден ден пред формирањето на техничката Влада се случува деорганизација, а не организација во оваа здравствена установа, обвинуваат вработените на оваа клиника.
Во реакцијата вработените на Клиниката за Токсикологија, кои денеска преку соопштение ја испратија до медиумите, се посочува дека од нејзиното назначување за помалку од два месеци долгот на клиниката се зголемил за приближно два милиони денари.
Во писмото испратено од вработените на оваа клиника се вели дека организациската директорка не ги исполнува условите за функцијата, кои како што додаваат, се пропишани со законот за директори.
Во нивната рекација пишува и дека таа на работа доаѓала во 10 часот, а си одела во 14 и 30 часот, односно како што велат на работа присуствувала по четири и пол часа.
Сакаме да ве известиме дека со назначување на В.Д организациски директор Бесија Иљази на ден пред формирање техничка влада на нашата клиника(иако не ги исполнува условите пропишани со закон за директори) се случува деорганизација, а не организација. Поточно од нејзиното назначување за помалку од два месеци долгот на клиниката го зголеми за приближно два милиони денари, со дневно работно време од 4 часа и 30 минути поточно на работа доаѓа во 10:00 часот а работното време и завршува во 14:30
Исто така клиниката нема спроведено постапка за осигурување на имот, осигурување на скапата медицинска опрема и осигурување од лекарска грешка, бидејќи в.д директорката не сака да потпише затоа што не е прифатен нејзиниот брокер за осигурување и моментално клиниката два месеци не е осигурана иако за тоа сме со закон обврзани.
Поради одбивање да потпише согласност за договор на дело за двајца дипломирани биолози,токсиколошката лабараторија веќе два месеци истата не врши валидација на издадените резултати
Од Вработените при ЈЗУ Клиника за Токсикологија
