Средношколка во средното хемиско училиште „Орде Чопела“ во Прилеп пријавила во училиштето дека вработениот хигиеничар, ја допирал по телото.

Но, како што објави телевизија „Клан“, хигиеничарот и ученичката одат во иста смена на училиште, снимките од камерите не се прегледани, а ниту осомничениот ниту девојчето не се викнати во полициска станица.

„Веднаш по приемот на известувањето, јавниот обвинител издаде насоки до МВР за обезбедување на сите докази, кои вклучуваат и распит на лицата. По наредбата се постапува“ велат од ЈО Прилеп за „Слободен печат“.

На 14 февруари годинава, вработена во училиштето пријавила дека малолетничката кај неа пријавила дека била допирана по телото од вработен во училиштето.