Неочекуван инцидент се случи во Рим денеска во раните утрински часови, кога 81-годишен возач ја изгубил контролата врз своето возило и завршил на познатите Шпански скали на Тринита деи Монти.

Инцидентот на Шпанскиот плоштад во Рим се случил кратко по 4 часот наутро, кога Противпожарната служба добила повик и испратила специјална екипа, кран и спасувачко возило во историскиот центар за да го отстранат автомобилот што се заглавил на скалите. Според италијанските медиуми, постариот возач, италијански државјанин, влегол на скалите од страната на Пјаца дела Тринита деи Монти и застанал неколку скали подолу.

Полицијата го извадила возачот од возилото и повикала прва помош, но не било оценето дека е потребно да се транспортира во болница.

Dalle ore 4:30 di stamattina intervento #vigilidelfuoco a #Roma per un’autovettura finita sulla scalinata di Trinità dei Monti. In atto le delicate operazioni di recupero con l’autogru [#17giugno 7:45] pic.twitter.com/2UGwrmRMnv

— Vigili del Fuoco (@vigilidelfuoco) June 17, 2025

По спроведените истраги, против него беше поднесена кривична пријава. Резултатите од алкотестовите беа негативни, додека истрагите на локалната полиција за точните околности на инцидентот се во тек.

Специјални средства беа распоредени за отстранување на возилото, а пожарникарите поставија дрвени штици на скалите за да спречат понатамошно оштетување на скалите.