Лебед кој тагувал по својот партнер на пругите на германската железница предизвика застој на најмалку 20 возови, додека пожарникарите се обидувале да го отстранат, се вели во соопштението што го објави германската полиција.

Swan song: German firefighters remove 'mourning' bird blocking railway line https://t.co/OCxE9WccnS

— The Guardian (@guardian) December 28, 2020

Оваа неверојатна приказна за лебедите кои ја блокираа линијата во близина на Фулдатал, предизвикаа најмалку 20 возни линии да бидат откажани. Овој случај набргу се прошири на социјалните мрежи и стана вирален хит.

Полицијата и пожарникарите биле принудени да интервенираат и да ги отстранат лебедите што предизвикаа целосна блокада на возовите на релација од Касел до Гетинген.

Според извештаите на германските медиуми, пожарникарите морале да користат специјална опрема за да го отстранат мртвиот лебед од шините, а другиот го пуштиле во реката Фулда.

Според полицијата, 23 возови доцнеле околу 50 минути по инцидентот, што се случил на 23 декември, но беше соопштен во јавноста пет дена подоцна.

Двата лебеди веројатно сакале да поминат низ пругите, но едниот починал, најверојатно откако заглавил во каблите за напојување.

Другиот лебед потоа се позиционирал покрај својот мртов партнер и одбил да се тргне и покрај обидите на полицајците, поради што железничкиот сообраќај бил прекинат привремено.

Познат е фактот дека лебедите имаат еден партнер за целиот свој живот, што ја прави оваа реакција на тажниот лебед многу појасна.