„Си-ен-ен“ објави вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година.

На видеото може да се види како Диди, речиси гол и само со пешкир околу половината, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот.

Потоа ја удрил со нога додека таа лежела неподвижна на земја, а потоа ѝ ги зграпчил двете чанти со кои таа се обидела да избега. Диди застанал врз неа, повторно ја клоцнал и ја одвлекол во нивната соба.

Вознемирувачката снимка можете да ја видите ТУКА.

Да потсетиме, Диди и Каси постигнаа спогодба само еден ден откако пејачката поднесе тужба во која го обвини раперот дека постојано ја напаѓал, ја тепал и ја силувал во последните десет години од нивната врска.

Во тужбата навела дека го запознала Диди во 2005 година, кога имала 19 години. Пејачката тврди дека тој ја контролирал и бил насилен со неа уште од самиот почеток. Таа изјавила дека ја терал на секс со машки проститутки, а тој го снимал тоа. Исто така, физички ја малтретирал и ја дрогирал.

Каси тврди дека Диди честопати „дивјачки ја тепал“. Наводно, сè се одвивало пред очите на неговите вработени, а Диди, според пејачката, често ја терал да го носи неговото огнено оружје во чантата „за да има на ум дека е способен тешко да ја повреди“.