На патниот правец Штип – Кочани попладнево, се случи сообраќајка помеѓу армиско воено возило и цивилно возило, а во несреќата повредени се тројца припадници на Армијата. Во сообраќајната несреќа, возилото на АРМ се превртело на коловозот.

Сообраќајот е во прекин за сите возила и се пренасочува по локалниот патен правец од Соколарци кон Кочани и обратно.

– Денеска на патниот правец Штип – Кочани во 13:00 часот, армиско воено возило „Ланд ровер дефендер“ со тројца припадници на Армијата, при извршување на редовни планирани активности (смена на стража) учествувало во сообраќајна незгода, односно армиското возило било удрено од цивилно возило во задниот дел. Притоа тројцата припадници се полесно повредени и се пренесени во кочанската болница на понатамошни медицински иследувања – соопштија од Министерството за одбрана.

На лице место се излезени МВР и припадници од Воената полиција.