Возбудувањата во Бундеслигата продолжуваат за 10 дена!?
Официјална потврда, „зелено светло“ треба да даде германската канцеларка Ангела Меркел која закажа видеоконференција в среда…
Како што пренесува „Ројтерс“, возбудувањата во најсилното германско фудбалско првенство ќе продолжат за 10 дена зад затворени врати.
Препорачано
-
1
-
2
-
3
Германија е подготвена за попуштање на мерките, тамошниот фудбал поради пандемијата на коронавирус е во прекин од 11 март.
Според информациите сезоната треба да продолжи на 15 мај, а официјална потврда, „зелено светло“ треба да даде германската канцеларка Ангела Меркел која закажа видеоконференција в среда (6 мај) да се разговара за попуштање на мерките.
Се активираат повторно маркетите и образовните институции, а наскоро можно е да се врати и професионалниот фудбал во Германија.
Со цел да се спречи ширењето на Ковид-19, за останатите натпревари од оваа сезона (2019/20) ќе биде забранет влезот за навивачите и љубителите на фудбалот и спортот.
Не е тајна дека голем број на фудбалски шампионати ширум Европа ги чекаат Германците први да повлечат потег и да го направат планот за продолжување на сезоната.
Се очекува кон крајот на мај да продолжат сезоните во Португалија, Данска, Полска, а многу веројатно и во Австрија и Швајцарија.
Се чекаат одлуките во Шпанија, Италија, Англија, а како што е веќе познато предвремено се завршени сезоните во Франција, Белгија и Холандија.
