Возач од Прилеп загина вчера претпладне на патот меѓу Прилеп и Крушево, кога излетал од патот, соопшти полицијата.

„На 06.11.2024 во 11.28 часот во Полициската станица Прилеп било пријавено дека на регионалниот пат Прилеп-Крушево, кај место викано „Бегова ливада“, патничко возило „опел“ со прилепски регистарски ознаки, управувано од С.Т.(59) од Прилеп излетало надвор од коловозот. Од здобиените повреди на местото починал возачот, а смрт констатирал лекар од Итната медицинска помош. Извршен бил увид од јавен обвинител и увидна екипа од ОВР Прилеп“, велат од МВР.