Српската сообраќајна полиција во северниот град Суботица запрела 56-годишен возач кој управувал „Форд“ на кој му била истечена регистрацијата, без возачка дозвола (која му била одземена поради казнени бодови) и со 4,07 промили алкохол во крвта, јавуваат локалните медиуми.

Според српскиот закон, трите прекршоци спаѓаат во „насилничко возење“, а само за степенот на алкохолизираност на возачот е предвидена казна затвор од 60 до 90 дена.

Покрај овој возач, вчеравечер кај Суботица е казнет и друг сообраќаен „шампион“ – 52-годишен жител на градот кој возел велосипед со 2.9 промили алкохол во крвта, при што удрил во камион и е полесно повреден.