Пешак загинал вечерва на патот Куманово-Крива Паланка, кога во него удрил автомобил „Фолксваген Пасат“, управуван од државјанин на Србија, соопшти СВР Куманово.

64-годишната жртва починала на самото место, велат од полицијата.

„Денеска во 17.30 часот во СВР Куманово било пријавено дека на магистрален пат Куманово – Крива Паланка се случила сообраќајна незгода каде возило „пасат“ со српски регистарски ознаки управувано од В.Б.(47) од Република Србија удрило во пешак Б.Д. (64) од село Облавце. Во незгодата пешакот загинал на самото место.“, се вели во соопштението.

Поради несреќата, попладнето нешто повеќе од час и половина беше целосно затворен за сообраќај патот меѓу Куманово и Крива Паланка, но надлежните не даваа објаснување околу причините за блокадата на патот.