20-годишен возач на тротинет по 15 дена пријавил дека додека возел тротинет, бил удрен од автомобил и тешко се повредил, а возачот му ветил дека ќе му плати за лекувањето. Откако ветувањето не му било исполнето, момчето го пријавило случајот во полиција.

„На 16.09.2025 околу 13:00 часот во СВР Скопје, Џ.Ш.(20) од Скопје пријавил дека на 01.09.2025 околу 11:30 часот на подрачје на Шуто Оризари во Скопје учествувал во сообраќајна несреќа помеѓу патничко возило „мерцедес“ и електричен тротинет, кој го управувал пријавителот, при што се здобил со тешки телесни повреди, констатирани во Градската општа болница „Св.Наум Охридски“. Со возачот на патничкото возило се договорил да му плати за повредите за во болница, но тој не му платил и затоа со задоцнување го пријавува настанот. Се преземаат мерки за пронаоѓање на возачот и расчистување на случајот“, пишува во полицискиот билтен.