Покрај неговата финансиска моќ, Ворен Бафет е познат и по своите едноставни, но моќни совети за родителство. Еден од нив, издвоен од невропсихологот Вилијам Стиксруд, е клучен за воспитување успешни и независни деца.

Според Стиксруд, коавтор на „The Self-Driven Child“, родителите треба да ги охрабрат своите деца да чувствуваат дека имаат контрола врз сопствениот живот. Ова, тврди тој, е златното правило на Бафет. Свеста за лична контрола е моќен мотиватор и го намалува стресот, што им помага на децата да развијат отпорност и внатрешна мотивација за успех- пренесува Каматица.

„Најуспешните луѓе чувствуваат дека се креатори на своите животи“, истакнува Стиксруд.

Мозокот доживува интензивен стрес кога се чувствува дека нема контрола, а долгорочниот стрес негативно влијае на сонот, расположението, учењето и донесувањето одлуки. Од друга страна, кога децата веруваат дека имаат влијание врз нивните животи, тие се чувствуваат посмирени, помотивирани и полесно решаваат предизвици.

Стиксруд им советува на родителите да ја преземат улогата на советник, а не на шеф или микроменаџер. Ова значи дека на децата треба да им се даде поддршка и водство, но да им се дозволи сами да донесуваат одлуки и да учат од сопствените грешки, се разбира, во безбедни граници.

„Ако сакате да воспитаме независно дете, треба да бидете негов советник. Треба да бидете стабилна поддршка во неговиот живот“, заклучува Стиксруд.