База на американски војници во јужна Сирија е нападната со дронови, соопштија двајца американски високи претставници. Во воената база се обучувале војници како дел од кампањата против Исламската држава, информира МИА.

Едниот дрон беше соборен, но другиот предизвика мала штета, изјавил еден од функционерите, кој сакал да остане анонимен. Нападите уследија по слични напади со дронови во изминатите неколку дена врз базите на САД и коалицијата во Ирак.

Сириските опозициски активисти изјавија дека нападот со дрон бил извршен врз нафтена постројка во источна Сирија каде што се стационирани американски војници.